"ბარსელონამ" ჩემპიონთა ლიგის მეოთხედფინალში გასვლა უდიდესი დანაკლისის ფონზე მოახერხა, რაც ფრენკი დე იონგისა და პედრი გონსალესის არყოფნაში გამოიხატა.

"ნაპოლის" ბარიერის გადასალახად "ლურჯ-ბროწეულისფერთ" არსებული რესურსიც ეყოთ, მაგრამ ცხადია, "პარი სენ ჟერმენის" გამოსაგდებად ჩავის თავისი ყველა ფეხბურთელი დასჭირდება.

სწორედ ამიტომაა განსაკუთრებით მნიშვნელოვანი ის ინფორმაცია, რომელსაც დღეს Mundo Deportivo ავრცელებს.

კატალონიური გამოცემის თანახმად, დე იონგი "პსჟ-სთან" გასამართი პირველი მატჩისთვის იქნება მზად, პედრის კი საპასუხო შეხვედრაში უნდა ველოდოთ.

შეგახსენებთ, რომ ნიდერლანდელმა და ესპანელმა ვარსკვლავებმა ტრავმები ბილბაოს "ატლეტიკთან" შეხვედრაში მიიღეს. რაც შეეხება მეოთხედფინალურ ბატალიებს, ისინი 10 და 16 აპრილსაა ჩანიშნული.