"ბარსელონამ" საუდის არაბეთიდან შეთავაზება რაფინიას თაობაზე მიიღო, - იუწყება SPORT.

ესპანური გამოცემის ინფორმაციით, 27 წლის შემტევში "ლურჯ-ბროწეულისფრებს" 80 მილიონ ევროზე მეტს უხდიან. ბრაზილიელი გარემარბით 4 არაბული კლუბია დაინტერესებული: "ალ ჰილალი", "ალ ნასრი", "ალ იტიჰადი" და "ალ აჰლი".

თავად რაფინიას "ბლაუგრანას" დატოვება არ სურს.

შეგახსენებთ, რომ ბრაზილიელი ფეხბურთელი "ბარსამ" 2022 წლის ზაფხულში "ლიდს იუნაიტედიდან" შეიძინა. მან კლუბთან 5-წლიან კონტრაქტს მოაწერა ხელი. სეზონში რაფინია 5.5 მილიონ ევროს გამოიმუშავებს.

მიმდინარე სეზონში ჩატარებულ 27 მატჩში რაფინიამ 5 გოლი და 9 ასისტი მიითვალა.