"პარი სენ ჟერმენსა" და "ბარსელონას" შორის გასამართ მატჩამდე უფრო და უფრო ცოტა დრო რჩება, პარიზელებს კი საკადრო პრობლემები გამოუჩნდათ.

როგორც ირკვევა, "პსჟ-ს" ბრედლი ბარკოლა გამოაკლდა. მისი "ბლაუგრანასთან" შეხვედრაში მონაწილეობა თითქმის გამორიცხულია.

ბარკოლამ ჰამსტრინგის კუნთი საფრანგეთისა და კოტ-დ'იუვარის 21-წლამდელთა ნაკრებებს შორის გამართულ ამხანაგურ მატჩში დაიზიანა.

არადა, გასულ ზაფხულს შეძენილი შემტევი ნელ-ნელა თავის საუკეთესო ფორმაში შედიოდა. 21 წლის გარემარბმა ლიგა 1-ში ბოლო 3 შეხვედრა დაიწყო სასტარტო შემადგენლობიდან და ლუის ენრიკესაც მოაწონა თავი.

მიმდინარე სეზონში ბრედლის მონაგარი 3 გოლი და 6 ასისტია.

აქვე შეგახსენებთ, რომ "პსჟ-სა" და "ბარსას" პირველი მეოთხედფინალური ჯახი 10 აპრილსაა ჩანიშნული.