რაფინია ფიქრობს, რომ "ბარსელონას" გულშემატკივრებისგან მეტ პატივისცემას იმსახურებს, - იუწყება Diario SPORT-ის ჟურნალისტი, ალბერტ მასნოუ.

წყაროს თანახმად, ბრაზილიელი არ მიიჩნევს, რომ ცუდად თამაშობს. მისი აზრით, ქომაგებისგან მეტი დაფასება მას თამაშის ხარისხის გაუმჯობესობაშიც დაეხმარებოდა.

27 წლის გარემარბი დაუფასებლობას კლუბის ხელმძღვანელობისა და პრესისგანაც გრძნობს.

რაფინიას მის მომავალთან დაკავშირებული გაურკვევლობა აწუხებს. მიუხედავად იმისა, რომ მას "ბლაუგრანაში" უნდა დარჩენა, ესპანური გამოცები ხშირად უწინასწარმეტყველებენ ზაფხულში გუნდის დატოვებას. გაჟღერდა ცნობები საუდის არაბული კლუბების დაინტერესების შესახებაც.

აქვე გეტყვით, რომ მიმდინარე სეზონში ჩატარებულ 28 მატჩში ბრაზილიელმა 5 გოლი და 10 ასისტი მიითვალა.