"ბარსელონა" ჩავი ერნანდესის სამომავლო შემცვლელის ძიებას აგრძელებს, კანდიდატთა სია კი საგრძნობლად შემცირდა.

Mundo Deportivo-ს ინფორმაციით, "ლურჯ-ბროწეულისფრებმა" 4 სპეციალისტის განხილვაზე თქვეს საბოლოო უარი.

მათი და კლუბის გადაწყვეტილების მიზეზთა ჩამონათვალი შემდეგნაირად გამოიყურება:

იულიან ნაგელსმანი - გამოცდილების ნაკლებობა

რობერტო დე ძერბი - დიდი კლუბი არასდროს გაუწვრთნია

თომას ტუხელი - არაპროგნოზირებადი ხასიათი

მიკელ არტეტა - კონტრაქტი "არსენალთან" და ნაკლები ინფორმაცია "ბარსას" სიტუაციის თაობაზე

შეგახსენებთ, რომ "ბლაუგრანაში" ჩავის გადარწმუნების იმედი ჯერ კიდევ არ დაუკარგავთ. მოარული ხმების თანახმად, ჩავის დარჩენის შანსს ჩემპიონთა ლიგის ან ლა ლიგის მოგება გაზრდის.