"ბარსელონა" ზაფხულში ორ ნახევარმცველს გაუშვებს, - იუწყება Relevo-ს ჟურნალისტი, მატეო მორეტო.

წყაროს თანახმად, "ლურჯ-ბროწეულისფერნი" პაბლო ტორესა და ორიოლ რომეუს დაემშვიდობებიან.

საინტერესოა, რომ ესპანელი შუახაზელები შეიძლება ერთსა და იმავე გუნდში გაეშურნონ, რადგან ტორე ახლა "ჟირონაშია" განათხოვრებული და კატალონიური კლუბი ორიოლის დაბრუნების სურვილსაც გამოხატავს.

მორეტოს თქმით, ზაფხულის სატრანსფერო ფანჯარაზე "ბარსა" ერთ ნახევარმცველს თავადაც დაიმატებს.

აქვე შეგახსენებთ, რომ რომეუ კლუბმა გასულ ზაფხულს, 3.4 მილიონ ევროდ შეიძინა სწორედ "ჟირონადან", 20 წლის ტორე კი "რასინგიდანაა" წამოყვანილი.