"ბარსელონას" 16 წლის სუპერტალანტმა, ლამინ იამალმა Mundo Deportivo-ს მისცა ინტერვიუ. ერთ-ერთი შეკითხვა ჩემპიონთა ლიგის მოახლოვებულ მეოთხედფინალურ მატჩებს ეხებოდა.

როგორც ჩანს, "ბლაუგრანას" შემტევი დარწმუნებულია, რომ მისი გუნდი "პსჟ-ს" სტუმრად დამარცხებას შეძლებს.

"ჩემპიონთა ლიგაზე ჩემს სადებიუტო მეოთხედფინალს მოუთმენლად ველოდები. როცა ჩემს ოთახში ვარ ხოლმე, ხანდახან იმაზე ვფიქრობ, რა სიგიჟეა ეს ყოველივე.

ჩემი აზრით, პარიზში 1:0-ს მოვიგებთ. ვინ გაიტანს გოლს? რა თქმა უნდა, მე," - თქვა იამალმა.

შეგახსენებთ, რომ "პარი სენ ჟერმენისა" და "ლურჯ-ბროწეულისფერთა" პირველი მატჩი 10 აპრილს შედგება.