"ბარსელონა" ანსუ ფატის გაყიდვაზე სერიოზულად ფიქრობს, - იუწყება Diario SPORT-ის ჟურნალისტი, მიგელ სანზი.

წყაროს თანახმად, ესპანელი თავდამსხმელით "ვალენსია", "სევილია" და "ვულვზი" არიან დაინტერესებულნი. სათქმელია ისიც, რომ სამივე გუნდი ფატის მხოლოდ იჯარის წესით აყვანას განიხილავს და მისი ხელფასის ნაწილის დასაფარადაა მზად.

21 წლის ფორვარდს რომ მსურველი ჰყავდეს, "ბლაუგრანა" მას აუცილებლად გაყიდდა, მაგრამ ეს უფრო და უფრო რთულდება. გარდა ამისა, მცირდება ანსუმანეს სატრანსფერო ღირებულებაც.

ფატის შენარჩუნების დიდი სურვილი არც "ბრაიტონს" ეტყობა, რომელშიც იგი ამჟამადაა განათხოვრებული.

"თოლიების" მაისური ანსუმ მიმდინარე სეზონში სულ 23-ჯერ მოირგო. მის აქტივში 4 გოლია.