"ბარსელონას" ჩემპიონთა ლიგის მეოთხედფინალური ეტაპის პირველი მატჩი კარს მოადგა, ტრავმახლადმოშუშებული ფეხბურთელების მდგომარეობა კი ბოლომდე ჯერ კიდევ არაა გარკვეული.

ამასთან დაკავშირებით ახალი ცნობები დღეს Diario AS-ის ჟურნალისტმა, ხავი მიგელმა გაავრცელა.

წყაროს თანახმად, ფრენკი დე იონგმა გუნდთან ერთად უკვე მესამე სავარჯიშო სესია ჩაატარა და სასტარტო შემადგენლობაში მოხვედრის დიდი შანსი აქვს. იგივე ითქმის ანდრეას კრისტენსენზეც.

რაც შეეხება პედრი გონსალესს, მან დღეს პირველად ივარჯიშა. "ბლაუგრანაში" გარისკვა არ სურთ, ამიტომ, შესაძლოა, 21 წლის ნახევარმცველმა არ ითამაშოს.

შეგახსენებთ, რომ "პარი სენ ჟერმენისა" და "ბარსას" პირველი დაპირისპირება 10 აპრილს, თბილისის დროით 23 საათზე დაიწყება.