"პარი სენ ჟერმენი" პაბლო გავის არ ეშვება, - იუწყება L'Equipe.

წყაროს თანახმად, "ბარსელონას" ნახევარმცველის გარემოცვა პარიზულ კლუბთან კონტაქტს გასული ზაფხულის მერე ინარჩუნებს, როცა მხარეებს შორის პირველი კონტაქტი შედგა.

"პსჟ-ში" იციან, რომ ტრანსფერის განსახორციელებლად "ბლაუგრანასა" და პაბლოს დარწმუნება ერთდროულად მოუწევთ. ახლა ამის ალბათობა მიზერულად ჩანს.

პაბლოს "ბარსასთან" მოქმედი კონტრაქტი 2026 წლის ივლისამდე აკავშირებს. 19 წლის ვარსკვლავის გამოსასყიდი თანხა მილიარდი ევროა.

შეგახსენებთ, რომ გავი ამჟამად ჯვარედინ მყესებს მკურნალობს. მას გასული წლის ნოემბრის შემდეგ არ უთამაშია. ბოლო პროგნოზით, მოედანს ესპანელი ივლისში დაუბრუნდება.