"ბარსელონას" დღეს "პარი სენ ჟერმენთან" ელოდება ჩემპიონთა ლიგის მეოთხედფინალური ეტაპის განმეორებითი მატჩი, რომელსაც "მონჟუიკი" უმასპინძლებს.

როგორც ირკვევა, ნახევარფინალში გასვლის შემთხვევაში კატალონიელები უეფასგან 12.5 მილიონ ევროს მიიღებენ.

თუ ჩავის გუნდი ჩემპიონთა ლიგის თასს დაეუფლება, ტურნირის მიმდინარე გათამაშებაში გამომუშავებულ თანხას 85.14 მილიონი ევრო ზემოდან დაემატება.

შეგახსენებთ, რომ "პსჟ-ს" "ლურჯ-ბროწეულისფრებმა" პარიზში 3:2 მოუგეს, ხოლო თუ ხვალ ამ უპირატესობას შეინარჩუნებენ (ან გაზრდიან), ნახევარფინალში მადრიდის "ატლეტიკოსთან" ან დორტმუნდის "ბორუსიასთან" მოუწევთ თამაში.

ხვალინდელი ჯახი თბილისის დროით 23 საათზე დაიწყება.