სამშაბათს "პსჟ"-მ "ბარსელონა" ჩემპიონთა ლიგას გამოთიშა. ფრანგული მხარის მენეჯერს, ლუის ენრიკეს, მისი და ბარსელონას თავკაცის, ჩავის შესახებ ჰკითხეს.

"ჩავი "ბარსასთვის" იდეალური მწვრთნელია. იმედი მაქვს, რომ ის გუნდს მრავალი წლის განმავლობაში გაწვრთნის“, - განაცხადა ენრიკემ თამაშის შემდეგ, ციტირებს "Sportbible."

ამის შემდეგ ენრიკეს სიტყვები ჩავის გადაეცა.  ჟურნალისტმა ესპანელს უთხრა: "ლუის ენრიკემ თქვა, რომ წითელი ბარათის გარეშეც "პსჟ" მაინც მოიგებდა და იმედოვნებს, რომ კიდევ მრავალი წლის განმავლობაში "ბარსელონას" მწვრთნელი იქნებით, რას იტყვით?"

რაზეც ჩავიმ უპასუხა: "მე ორივეს ვუარყოფ!"

შეგახსენებთ, რომ ჩავიმ რამდენიმე თვის წინ კლუბიდან წასვლა დაანონსა. თუმცა, კატალონიელებმა მოაწყვეს კამპანია, რათა იგი დარჩენაში დაერწმუნებინათ.