"ბარსელონამ" ზაფხულის სატრანსფერო ფანჯრის ერთ-ერთ პრიორიტეტულ სამიზნედ "ლაიფციგის" შემტევი, დანი ოლმო შეარჩია.

"ლა მასიას" აღზრდილი ესპანელი მშობლიურ კლუბში დაბრუნების იდეას მიესალმება.

Diario SPORT-ს თუ დავუჯერებთ, "ლურჯ-ბროწეულისფერნი" დანისთვის მხოლოდ იმ შემთხვევაში იბრძოლებენ, თუ 1:1 წესზე დაბრუნდებიან. ეს წესი კლუბს საშუალებას აძლევს, რომ ყოველ გამომუშავებულ ევროზე ევრო დახარჯოს. 

ახლა "ბარსა" 3:1 პროპორციით მოქმედებს. 1:1-ზე დაბრუნებას ზაფხულში დიდი ოპერაციები დასჭირდება. მათ შორის ვარსკვლავური სტატუსის მქონე რამდენიმე ფეხბურთელის გაყიდვაც იქნება.

აქვე გეტყვით, რომ 25 წლის დანის გამოსასყიდ თანხად 60 მილიონი ევროა განსაზღვრული.