როგორც მოგეხსენებათ, "ბარსელონამ" ლა ლიგის 24-ე ტურის მატჩში "ვალენსია" დაამარცხა. მატჩის ერთადერთი გოლი "ლურჯ-ბროწეულისფერთა" ბრაზილიელი შემტევის, რაფინიას ანგარიშზეა.

თუ Diario AS-ს დავუჯერებთ, გუშინდელი გამარჯვება ჩავიმ ფეხბურთელებს დასვენების დღეებით "დაუფასა".

"ბლაუგრანას" მთავარმა მწვრთნელმა თავისი შეგირდები ორდღე-ნახევრით დაითხოვა.

შეგახსენებთ, რომ მომდევნო მატჩი კატალონიელებს 12 მარტს, ბილბაოს "ატლეტიკის" წინააღმდეგ ელოდებათ. შეხვედრა თბილისის დროით 23:55 საათზე დაიწყება.

"ბარსას" ლა ლიგის ცხრილში 62 ქულა აქვს და მეორეადგილოსან "რეალს" 9 ქულით უსწრებს.