"ბარსელონას" ნიდერლანდელი ნახევარმცველი, ფრენკი დე იონგი ისევ ტრავმირებულია. დე იონგი მადრიდის "რეალთან" გუშინ გამართული მატჩის მეორე ტაიმში დაზიანდა და მოედნის საკაცით დატოვება მოუწია.

Relevo-ს ინფორმაციით, ფრენკის ტრავმა მარჯვენა კოჭზე აღენიშნება. მიმდინარე სეზონში მან ეს არეალი უკვე მესამედ იტკინა.

ჟურნალისტი ანდრეა ალბეტსი წერს, რომ დე იონგი 1 თვით იუქმებს.

ამავე აზრს ავითარებს SPORT-ის ტონი ხუანმარტიც. მისი თქმით, ფრენკისთვის სეზონი დასრულებულია.

"ბარსელონა" ლა ლიგის ბოლო ტურის მატჩს 26 მაისს, "სევილიას" წინააღმდეგ ჩაატარებს. უნდა ვივარაუდოთ, რომ დე იონგი სეზონის დარჩენილ ნაწილში აღარ დაბრუნდება და მთელი ძალებით ევრო 2024-ისთვის მოემზადება.