"ბარსელონა" მიუნხენის "ბაიერნს" ლეროი სანეს ტრანსფერის განხორციელების შესაძლებლობის თაობაზე დაუკავშირდა, - იუწყება El Chiringuito-ს ჟურნალისტი, ხოსე ალვარესი.

გერმანელ გარემარბს "რეკორდმაისტერთან" კონტრაქტი 2025 წლის ივლისში ეწურება, მისი მომავალი კი ჯერ კიდევ გაურკვეველი ჩანს.

"ბლაუგრანაში" სჯერათ, რომ ლეროის შეღავათიან ფასში შეძენა შეეძლებათ, რადგან ბავარიელებს 28 წლის შემტევის უფასოდ დაკარგვის ნამდვილად უნდა ეშინოდეთ.

მიმდინარე სეზონში გერმანელმა 39 მატჩში მიიღო მონაწილეობა. სანეს აქტივში 9 გოლი და 13 საგოლე გადაცემაა.

შეგახსენებთ, რომ ზაფხულის სატრანსფერო ფანჯარაზე კატალონიელთა ერთ-ერთი ამოცანა მარცხენა გარემარბის მოძებნა იქნება. როგორც ჩანს, სანე მათთვის სასურველ კრიტერიუმებს აკმაყოფილებს.