გავრცელებული ინფორმაციით, "ბარსელონა" "ლივერპულის" ნახევარმცველის, ნაბი კეიტას მიმართ ინტერესს იჩენს.

გვინეის ნაკრების ფეხბურთელს კონტრაქტის ხანგრძლივობა სეზონის ბოლოს ეწურება და ახალი ხელშეკრულების შესახებაც ჯერ არაფერი ისმის.

ფრანკ კესიეს და სერხიო ბუსკეტსის პოტენციური წასვლის გამო, ჩავი ეძებს ახალ ნახევარმცველს და, Mundo Deportivo-ს თანახმად, კეიტა ერთ-ერთი ვარიანტია.

ნახევარმცველი ინგლისში კვირაში 135,000 ევროს გამოიმუშავებს, რაც იმას ნიშნავს, რომ შესაძლოა ის იძულებული გახდეს ხელფასი შეიმციროს, თუ ზაფხულში უფასოდ შეუერთდება ბლაუგრანას.