"ბარსელონა" დღეს ლა ლიგის 33-ე ტურის მატჩს გამართავს, სადაც სატურნირო ცხრილის მეორე ადგილისთვის ბრძოლაში თავის უშუალო კონკურენტსა და თანარეგიონელს, "ჟირონას" დაუპირისპირდება.

Mundo Deportivo-ს ვარაუდით, ჩავი ერნანდესი მოედანზე ასეთ შემადგენლობას გაიყვანს:

მეკარე: მარკ-ანდრე ტერ შტეგენი

დაცვა: ჟოაუ კანსელუ, პაუ კუბარსი, რონალდ არაუხო, ჟიულ კუნდე

ნახევარდაცვა: ილქაი გიუნდოგანი, ანდრეას კრისტენსენი, პედრი გონსალესი

თავდასხმა: რაფინია, რობერტ ლევანდოვსკი, ლამინ იამალი

SPORT-ის ვერსია მცირედით განსხვავებულია. მასში მესამე ნახევარმცველის პოზიციაზე არა პედრი, არამედ ფერმინ ლოპესი დგას.

შეგახსენებთ, რომ კატალონიური დერბი თბილისის დროით 20:30 საათზე დაიწყება.