ნიკო უილიამსი "ბარსელონასთვის" იდეალური გარემარბია, - იუწყება SPORT.

წყაროს თანახმად, ბილბაოს "ატლეტიკს" შემტევს "ლურჯ-ბროწეულისფერნი" იმაზე პრიორიტეტულ სამიზნედ განიხილავენ, ვიდრე "ლაიფციგის" ფეხბურთელ დანი ოლმოს.

ნიკოს ბასკებთან კონტრაქტი 2027 წლის ივლისამდე აკავშირებს. მის სავარაუდო გამოსასყიდ თანხად 60 მილიონი ევრო სახელდება.

მოარული ხმების თანახმად, უილიამსი "ბლაუგრანას" მაისურის მორგების წინააღმდეგი ნამდვილად არ იქნება. ამაზე ლამინ იამალთან და ალეხანდრო ბალდესთან მისი ახლო ურთიერთობაც მეტყველებს.

მიმდინარე სეზონში ჩატარებულ 34 მატჩში 21 წლის ვარსკვლავმა 7 გოლი და 16 ასისტი მიითვალა.