"ჟირონას" მთავარმა მწვრთნელმა, მიჩელმა განაცხადა, რომ მომდევნო სეზონში თავის გუნდში ორიოლ რომეუსა და ერიკ გარსიას ხილვა უნდა.

"ორიოლი არის ფეხბურთელი, რომელიც აქ მყავდა და მის დაბრუნებას ვისურვებდი.

იმედია, ერიკსაც დავიმატებთ. ის "ბარსელონას" ეკუთვნის და ტოპ შენაძენი იქნებოდა," - განაცხადა კატალონიური კლუბის მთავარმა მწვრთნელმა.

შეგახსენებთ, რომ გარსია "ბლაუგრანამ" "ჟირონაში" ერთი სეზონით გაანათხოვრა. ესპანურ პრესაში გავრცელებული ცნობების თანახმად, ჩავი ცენტრალური მცველის "ლურჯ-ბროწეულისფერთა" რიგებში დაბრუნებას ემხრობა.

რაც შეეხება რომეუს, თითქმის გადაწყვეტილია, რომ ზაფხულში მას გაყიდიან. გამოცდილი საყრდენი "ბარსამ" "ჟირონადან" 2023 წლის ზაფხულში 3.4 მილიონ ევროდ შეიძინა.