ვიტორ როკე "ბარსელონაში" საკმარის სათამაშო დროს ისევ ვერ იღებს, ხოლო საუბარი იმაზე, რომ ბრაზილიელი თავდამსხმელი გუნდს ზაფხულში დატოვებს, უფრო და უფრო აქტიურდება.

Diario SPORT-ის ინფორმაციით, 18 წლის შემტევს "ნაპოლი", "ტოტენჰემი", "ჩელსი" და "მანჩესტერ იუნაიტედი" უმიზნებენ. საინტერესო კი ისაა, რომ ამ კლუბებს როკეს არა იჯარის წესით აყვანა, არამედ ყიდვა უნდათ.

საერთო ჯამში, როკეს მსურველები ნამდვილად არ აკლია. კატალონიურ გრანდს მის თაობაზე 30-მდე კლუბი დაუკავშირდა.

შეგახსენებთ, რომ ვიტორი "ბარსამ" "ატლეტიკო პარანაენსედან" შეიძინა. ბონუსების გათვალისწინებით, ფეხბურთელის ღირებულება 61 მილიონ ევროს აღწევს.

ბრაზილიელი "ბლაუგრანას" იანვარში შეუერთდა, 11 მატჩში მიიღო მონაწილეობა და 2 გოლი გაიტანა.