"ბარსელონამ" დაადასტურა, რომ 17 წლის ცენტრალურმა მცველმა, პაუ კუბარსმა კლუბთან ახალი კონტრაქტი გააფორმა. 

ახალი ხელშეკრულება ესპანელს კლუბთან 2027 წლამდე დააკავშირებს. რაც შეეხება გამოსასყიდ თანხას, კლუბმა ამ პუნქტში 500 მილიონი ევრო მოუთითა. 

ახალგაზრდა ცენტრალური მცველი ამ სეზონის დასაწყისში პირველ გუნდში მყოფი ფეხბურთელების დაზიანების შემდეგ გამოჩნდა. მან აქამდე 18 მატჩი ჩაატარა პირველ გუნდში, შთაბეჭდილება თავისი სიმშვიდით, ზუსტი პასებითა და ძლიერი დარტყმის უნარით მოახდინა. 

ესპანელის ძველ კონტრაქტს ვადა 2026 წელს ეწურებოდა. კლუბს სურდა მისთვის უკეთესი ხელშეკრულების მიცემა, რათა მას გუნდში თავი ბევრად კომფორტულად ეგრძნო, ვინაიდან კუბარსი "ბარსას" მომავლის პროექტის ერთ-ერთ ფინდამეტურ მოთამაშედაა მიჩნეული.