ცნობილმა ესპანელმა ჟურნალისტმა, დავიდ ბერნაბეუ რევერტერმა ზაფხულის სატრანსფერო ფანჯარაზე "ბარსელონას" გეგმების შესახებ მოგვაწოდა ახალი ცნობები.

წყაროს თანახმად, "ბლაუგრანაში" ახლა მხოლოდ 4 ან 5 ისეთი ფეხბურთელია, რომელთა გაყიდვასაც კლუბი არცერთ შემთხვევაში არ განიხილავს. რონალდ არაუხო, ფრენკი დე იონგი და რაფინია ამ სიაში არ შედიან.

"ლურჯ-ბროწეულისფერთა" შემადგენლობის 90% ტრანსფერზეა დაყენებული.

ბერნაბეუს თქმით, "ბარსაში" განსახორციელებელი ძვრები შემდეგნაირია:

წავლენ: რონალდ არაუხო, ფრენკი დე იონგი, რაფინია

მოვლენ: იოზუა კიმიხი, ბერნარდუ სილვა, ნიკო უილიამსი

ცხადია, მოვლენათა ზუსტად ასე განვითარება მხოლოდ კატალონიელთა სურვილებზე არაა დამოკიდებული, თუმცა "ბარსას" რომ დიდი ცვლილებები აქვს დაგეგმილი, ცხადზე ცხადია.