1 თვის წინ
ის ყველაზე მეტს ვარჯიშობს - "ბარსას" ფეხბურთელს მისია აქვს
ის ყველაზე მეტს ვარჯიშობს - "ბარსას" ფეხბურთელს მისია აქვს

როგორც ჩანს, ჟიულ კუნდე "ბარსელონაში" მარჯვენა მცველად თამაშს შეეჩვია.

Diario SPORT-ის ჟურნალისტის, ჟორდი ხილის ინფორმაციით, ფრანგ მცველს განზრახული აქვს, რომ მომდევნო სეზონში ამ პოზიციაზე მისი თამაშის ხარისხი კიდევ უფრო გააუმჯობესოს.

არავინ ვარჯიშობს "ბარსაში" იმაზე თავდაუზოგავად, ვიდრე კუნდე. რობერტ ლევანდოვსკი ხშირად მოდის სავარჯიშო სესიაზე პირველი, თუმცა ბოლოს ვარჯიშს სწორედ ჟიული ტოვებს ხოლმე.

24 წლის ფეხბურთელი აჩქარებისა და გამძლეობის დახვეწას ცდილობს. გარდა ამისა, მას უნდა, რომ შეტევაში უფრო სახიფათო გახდეს.

მიმდინარე სეზონში ჩატარებულ 47 მატჩში კუნდემ 2 გოლი და 4 ასისტი მიითვალა. იგი გუნდს კარის მშრალად შენახვაში 18-ჯერ დაეხმარა.


Facebook კომენტარები