"ბარსელონამ" ერთი საათის წინ გამოაქვეყნა ოფიციალური განცხადება, სადაც ვკითხულობთ, რომ მომდევნო სეზონში გუნდს ჩავი ერნანდესი აღარ გაწვრთნის.

იტალიელ ჟურნალისტს, ფაბრიციო რომანოს თუ დავუჯერებთ, "მაესტროს" შემცვლელი უკვე ნაპოვნია. ჩავის თანამდებობაზე ჰანსი ფლიკი ჩაანაცვლებს.

59 წლის სპეციალისტი სამწვრთნელო შტაბში თავის 2 გერმანელ კოლეგას მოიყვანს.

Mundo Deportivo-ს ცნობით, ფლიკის "ბარსაში" მოსვლა სამშაბათს გაოფიციალურდება. რაც შეეხება პრეზენტაციას, მას ხუთშაბათს ან პარასკევს ელოდებიან.

მიუხედავად იმისა, რომ "ლურჯ-ბროწეულისფერთ" ჰანსისთან კონტრაქტის გაფორმება 1+1 სისტემით სურდათ, იგი ხელს მაინც ორწლიან ხელშეკრულებას მოაწერს.