დღეს გამართულ პრესკონფერენციაზე "მანჩესტერ სიტის" თავკაცმა, პეპ გუარდიოლამ ჩავის გათავისუფლებაზე კომენტარი გააკეთა.

"რა ვთქვა... ეს კარგი ამბავი არასდროსაა, რადგან, როგორც ჩანს, რაღაც არ გამოვიდა. როდესაც ეს ხდება, როდესაც კლუბი რაღაცას არასწორად მართავს. სამწუხაროდ, მომხდარის მიზეზი არ ვიცი, ასე რომ, ამ ეტაპზე მეტს ვერაფერს გეტყვით."

"როცა ბარსელონაში ჩავალ და  ხალხს გავესაუბრები, შეიძლება დეტალები გავიგო, მაგრამ ჯერჯერობით კონკრეტული არაფერი ვიცი." დაამატა პეპმა.

შეგახსენებთ, რომ ჩავიმ სულ რამდენიმე კვირის წინ მიიღო "ბარსაში" კიდევ ერთი სეზონით დარჩენის გადაწყვეტილება, როდესაც ამაში ის კლუბის პრეზიდენტმა დაარწმუნა, თუმცა დღეს დილით ის თანამდებობიდან გაათავისუფლეს.