"ბარსელონა" დღეს ლა ლიგის 2023/2024 წლების სეზონის უკანასკნელი ტურის მატჩს ჩაატარებს და გასვლაზე ანდალუსიურ "სევილიას" დაუპირისპირდება.
მოგეხსენებათ, რომ აღნიშნული შეხვედრა ჩავი ერნანდესისთვის ბოლო იქნება "ლურჯ-ბროწეულისფერთა" მთავარი მწვრთნელის რანგში. შესაბამისად, კიდევ უფრო საინტერესოა, თუ როგორ თერთმეტეულს გაიყვანს 44 წლის სპეციალისტი მინდორზე.
Mundo Deportivo-ს ვერსიით, შემადგენლობა ასეთი იქნება:
მეკარე: ინიაკი პენია
დაცვა: მარკოს ალონსო, ინიგო მარტინესი, პაუ კუბარსი, ჰექტორ ფორტი
ნახევარდაცვა: ფერმინ ლოპესი, ორიოლ რომეუ, პედრი გონსალესი
თავდასხმა: ფერან ტორესი, ვიტორ როკე, ლამინ იამალი
განსხვავებულია SPORT-ის ვერსია: ტერ შტეგენი - კუნდე, კუბარსი, ინიგო, კანსელუ - გიუნდოგანი, რობერტო, პედრი - იამალი, ლევანდოვსკი, რაფინია
როგორც ხედავთ, ესპანური გამოცემები ვერ თანხმდებიან, ჩავი შანსს სათადარიგო ფეხბურთელებს მისცემს თუ აქცენტს ისევ ლიდერებზე გააკეთებს.
აქვე გეტყვით, რომ მატჩი თბილისის დროით 23 საათზე დაიწყება.
