Diario AS-ის სპორტული ჟურნალისტი, ხავიერ მიგელი იუწყება, რომ ჰანსი ფლიკი "ბარსაში" გაფორმებამდე, ხელფასის შემცირებას დათანხმდა. ცნობილი გახდა კონტრაქტის დეტალები, რომელიც გერმანელის ანაზღაურებას ეხება. 

გავრცელებული ინფორმაციით, ფლიკი ფიქსირებული ხელფასის სახით წელიწადში 3 მილიონ ევროს მიიღებს. ეს საკმაოდ დაბალი მაჩვენებელია იმის გათვალისწინებით, რომ ჩავი წელიწადში 12 მილიონს გამოიმუშავებდა. 

თუმცა, როგორც ცნობილი გახდა, ფლიკი "ბარსასგან" დამატებით 1 მილიონ ევროს მიიღებს, თუ ეს უკანასკნელი კლუბთან ერთად ჩემპიონთა ლიგას მოიგებს, შემდეგ სეზონში ლა ლიგის ტიტულის მოპოვებისთვის კი 750 ათას ევროს. 

შეგახსენებთ, რომ მას შემდეგ, რაც გერმანელს კლუბი წარადგენს, მისი კონტრაქტის ყველა დეტალი გასაჯაროვდება.