"ბარსელონამ" ოფიციალურად დაადასტურა, რომ გუნდს ჰანსი ფლიკი გაწვრთნის.

გერმანელი სპეციალისტი "ლურჯ-ბროწეულისფერთა" მესაჭის თანამდებობაზე ჩავი ერნანდესს ჩაანაცვლებს, რომელიც დაკავებული პოსტიდან რამდენიმე დღის წინ გაათავისუფლეს.

ფლიკი ბოლოს გერმანიის ნაკრებს ედგა სათავეში. ბუნდესგუნდი მან მოედანზე 25-ჯერ გაიყვანა, 12 მატჩი მოიგო, 7 ფრედ დაასრულა და 6 წააგო.

იქამდე ჰანსი მიუნხენის "ბაიერნს" წვრთნიდა. 59 წლის სპეციალისტმა "რეკორდმაისტერს" 7 ტიტული მოაგებინ.

გამოცდილმა მწვრთნელმა "ბლაუგრანასთან" 2-წლიანი კონტრაქტი გააფორმა. მისი წლიური ანაზღაურება 3 მილიონი ევრო იქნება.