პორტუგალიური O Jogo-ს ცნობით, "ბარსელონა" "მანჩესტერ იუნაიტედის" პორტუგალიელი ნახევარმცველით, ბრუნო ფერნანდეშით დაინტერესდა.

"ლურჯ-ბროწეულისფრებს" 29 წლის ვარსკვლავის ბანაკთანაც ჰქონდათ კონტაქტი.

ამ ცნობის გაჟღერებიდან მალევე, Mundo Deportivo-მ დაწერა, რომ დღევანდელი მდგომარეობით, "ბლაუგრანას" მიერ "წითელი ეშმაკების" ლიდერის შეძენა გამორიცხული გახლავთ.

როგორც ჩანს, "ბარსას" ინტერესი ინტერესადვე დარჩება.

"ემიუს" რვიანს მანჩესტერულ კლუბთან კონტრაქტი 2026 წლის ივლისამდე აკავშირებს. Transfermarkt-ზე ის 70 მილიონ ევროდაა შეფასებული.

გასულ სეზონში ჩატარებულ 48 მატჩში ბრუნომ 15 გოლი და 13 საგოლე გადაცემა მიითვალა.