ჩავისა და რობერტ ლევანდოვსკის ურთიერთობა კარგად არ დასრულებულა, - წერს Sport.

"ბარსელონას" აწ უკვე ყოფილი მესაჭე პოლონეთის საქმისადმი დამოკიდებულებით უკმაყოფილებას არ გამოხატავდა, თუმცა ხელმძღვანელობას მის ზაფხულში გაყიდვას სთხოვდა.

როგორც ჩანს, "მაესტროს" შეგულებული ჰყავდა 35 წლის ცენტრფორვარდის შემცვლელიც.

წყაროს თანახმად, ჩავის ლევანდოვსკის გაყიდვა და აღებული თანხით "ჟირონას" უკრაინელი შემტევის, არტიომ დოვბიკის მოყვანა სურდა.

კატალონიური გუნდის ლიდერის გამოსასყიდი თანხა 40 მილიონი ევროა, რაც "ბარსას" ამოცანას შესამჩნევად გაუადვილებდა.

26 წლის უკრაინელი გასულ სეზონში ლა ლიგის საუკეთესო ბომბარდირი გახდა. 36 მატჩში მან 24 გოლი და 8 ასისტი მიითვალა.