"ლოს ანჯელეს გელექსის" სამიზნეში "ბარსელონას" ცენტრფორვარდი, რობერტ ლევანდოვსკი ჰყავს ამოღებული, - იუწყება Diario AS.

კალიფორნიულ კლუბს სურს, რომ პოლონელი თავდამსხმელი თავის ყოფილ თანაგუნდელს, მარკო როისს შეუწყვილოს. "ელეი" პარალელურად "დორტმუნდის" ლეგენდის ტრანსფერზეც მუშაობს.

თუ მარკო თავისუფალი აგენტია და მისი გადაბირება "გელექსის" არ უნდა გაუჭირდეს, სხვა ვითარება გვაქვს ლევანდოვსკის შემთხვევაში.

35 წლის ვარსკვლავს "ბლაუგრანაში" უნდა დარჩენა. გარდა ამისა, იგი საკვანძო ფიგურა იქნება "ლურჯ-ბროწეულისფერთა" ახალი მესაჭის, ჰანსი ფლიკისთვისაც.

ყველაფერი იმაზე მიუთითებს, რომ რობერტმა მომდევნო სეზონიც კატალონიაში უნდა დაიწყოს.

გასულ სეზონში ვეტერანი ცხრიანი 26 გოლითა და 9 ასისტით გამოირჩა.