როგორც მოგეხსენებათ, ზაფხულის სატრანსფერო ფანჯარაზე "ბარსელონას" მთავარი ამოცანა საყრდენი ნახევარმცველის შეძენა იქნება.
Mundo Deportivo-ს ჟურნალისტი, რობერ თორელი ელის, რომ კატალონიელებმა შეიძლება "ნიუკასლ იუნაიტედის" შუახაზელის, ბრუნო გიმარაეშის ვარიანტიც განიხილონ.
საქმე იმაში მდგომარეობს, რომ ფინანსური ფეარ პლეის რეგულაციებში ჩასაჯდომად, "ჯორდებმა" 30 ივნისამდე რამდენიმე ფეხბურთელი უნდა გაყიდონ. შესაძლოა, ერთ-ერთი ასეთი მოთამაშე სწორედ ბრუნო იყოს.
26 წლის ბრაზილიელის გამოსასყიდი თანხა 100 მილიონი ფუნტი სტერლინგია, მაგრამ თუ მისი მსურველი "ბარსელონა" ან სხვა ნებისმიერი არაინგლისური გუნდი იქნება, თანხა 80 მილიონ ევროთი განისაზღვრება.
ცხადია, ბოლო ვადის მოახლოვება ბრუნოს ფასს კიდევ უფრო შეამცირებს.
გასულ სეზონში ჩატარებულ 50 მატჩში გიმარაეშმა 7 გოლი და 10 ასისტი მიითვალა.
