პორტუგალიური A Bola იუწყება, რომ "პორტუ" "ბარსელონას" ბრაზილიელი თავდამსხმელით, ვიტორ როკეთია დაინტერესებული. 

"დრაკონებმა" 19 წლის შემტევის აგენტთან უკვე ისაუბრეს. მათი პოზიცია მკაფიოა: "პორტუ" როკეს მხოლოდ იჯარის წესით დაიმატებს. გარდა ამისა, ისინი არ იტვირთავენ ახალგაზრდა ფორვარდის გამოსყიდვის ვალდებულებასაც.

ამის თაობაზე გადაწყვეტილება "ბარსელონამ" უნდა მიიღოს.

წყაროს თანახმად, როკე იმყოფება ტურინის "იუვენტუსის" რადარზეც. ბრძოლაში შეიძლება ჩაერთოს მადრიდის "ატლეტიკოც".

SPORT-ს თუ დავუჯერებთ, ჰანსი ფლიკს უნდა, რომ ვიტორი საქმეში ნახოს და მისი მომავალი სწორედ ამის მერე განკარგოს. დიდი ალბათობით, ბრაზილიიელი "ბარსასთან" ერთად პრესეზონის გარკვეულ ნაწილს მაინც გაივლის.

შეგახსენებთ, რომ როკე "ბლაუგრანას" იანვარში შეუერთდა. "ლურჯ-ბროწეულისფერთა" მაისურით ჩატარებულ 11 მატჩში მან 2 გოლი შეაგდო.