Jijantes ირწმუნება, რომ "ბარსელონას" ფერან ტორესის თაობაზე შეთავაზებით მიმართეს.

წყაროს თანახმად, ესპანელი თავდამსხმელით "ნიუკასლ იუნაიტედია" დაინტერესებული. "ჯორდები" ფერანში ჯამურად 20 მილიონ ევროს ჩამოდიან.

ამ თანხიდან 15 მილიონი ევრო ფიქსირებული იქნება, 5 მილიონი კი ბონუსებად გაიწერება. ჯერჯერობით უცნობია, თუ რა პოზიცია აქვთ ამასთან დაკავშირებით "ბლაუგრანაში".

ვიცით ის, რომ ფერანს კატალონიური გრანდის დატოვება არ უნდა. ბევრი რამ დამოკიდებული იქნება "ლურჯ-ბროწეულისფერთა" ახალი მესაჭის, ჰანსი ფლიკის შეხედულებაზეც.

24 წლის ფორვარდმა გასულ სეზონში ჩატარებულ 42 მატჩში 11 გოლი და 4 ასისტი მიითვალა.

აქვე გეტყვით, რომ ფერანს "ბარსასთან" კონტრაქტი 2027 წლის ივლისამდე აკავშირებს.