ალვარო მორატამ ჟურნალისტებთან საუბრისას ლამინ იამალზე ისაუბრა.

"ძალიან ბედნიერი ვარ, რომ იამალთან ერთად თამაში შემიძლია და, რა თქმა უნდა, იმედი მაქვს, როცა კარიერას დავასრულებ თამაშების ბილეთებს მომცემს ხოლმე." - განუცხადა მორატამ ჟურნალისტებს. 

"ეს არის ის, რასაც მე მას ყოველთვის ვეუბნები: არ დამივიწყო, როცა იმ ფინალების ბილეთები დამჭირდება, რომელსაც შენ [მომავალში] ითამაშებ."

ცხადია, ამ ეტაპზე მორატას 16 წლის სუპერტალანტის იმედი ტყუილად არ აქვს, თანაც, როცა 2026 წლის მსოფლიო ჩემპიონატი გაიმართება, იამალი ჯერ კიდევ მოზარდი იქნება.

აქვე შეგახსენებთ, რომ ლამინი გუშინ, ხორვატიასთან ჩატარებული მატჩით, გახდა ყველაზე ახალგაზრდა მოთამაშე ისტორიაში, ვისაც ევროპის ჩემპიონატზე უთამაშია.