4 კვირის წინ
გრანდმა "ბარსელონას" ფერმინზე შეთავაზებით მიმართა
გრანდმა "ბარსელონას" ფერმინზე შეთავაზებით მიმართა

"ბარსელონამ" ფერმინ ლოპესის თაობაზე პირველი შეთავაზება მიიღო, - იუწყება SPORT. როგორც ირკვევა, ესპანელ ნახევარმცველში "მანჩესტერ იუნაიტედი" 30 მილიონ ევროს იხდის.

კატალონიურმა გრანდმა "წითელ ეშმაკებს" უკვე შეუთვალა, რომ 21 წლის შუახაზელი არ იყიდება.

სეზონის სტარტზე ფერმინი სულ 8 მილიონ ევროდ ფასობდა, მაგრამ ლოპესის კარგმა თამაშმა მისი ფასის რადიკალურად გაზრდა გამოიწვია. ახლა ცხადია, რომ ახალგაზრდა ესპანელი "ბარსას" 30 მილიონზე გაცილებით მეტად უღირს.

გასულ სეზონში ლოპესმა 11 გოლით გამოიჩინა თავი. იგი "ბარსელონას" ყველაზე შედეგიანი ნახევარმცველი გახლდათ.

ამჟამად ფერმინი გერმანიაში იმყოფება და ევრო 2024-ზე იღებს მონაწილეობას.


Facebook კომენტარები