ინგლისის ნაკრებისა და "მანჩესტერ სიტის" შემტევმა ჯეკ გრილიშმა, ინსტაგრამზე უნგრეთისა და გერმანიის მატჩის შემდეგ ილქაი გიუნგოდანზე ისაუბრა.

"ვერ აგიხსნით, თუ რამდენად კარგია ეს ბიჭი. ერთ-ერთი საუკეთესო, ვისთანაც ოდესმე მომცემია შანსი მეთამაშა." 

"ბარსას" ნახევარმცველმა ხსენებულ მატჩში გოლის გატანა მოახერხა და საოცარი პერფორმანსით თამაშის საუკეთესოდაც დასახელდა. 

შეგახსენებთ, რომ გერმანელს გადამწყვეტი მნიშვნელობა ჰქონდა პეპ გვარდიოლას "მანჩესტერ სიტის" 2022/23 წლების სეზონში ტრიბლის მოგებაში.

მიმდინარე სეზონში 33 წლის ფეხბურთელმა კლუბისა და ქვეყნის შემადგენლობაში ექვსი გოლი გაიტანა და 16 საგოლე გადაცემა გააკეთა.