"კარგად ვარ, მადლობა ღმერთს. საშიში არაფერია, უბრალოდ თამაშის დროს, მომენტალურად წნევა დამივარდა და გაუწყლოებამ გამთიშა..." - წერს რონალდ არაუხო ინსტაგრამზე.

გუშინ, კოპა ამერიკის პირველი ტურის მატჩში, სადაც ერთმანეთს ურუგვაისა და პანამის ნაკრებები დაუპირისპირდნენ, რონალდ არაუხო მოულოდნელად მოედანზე დაეცა.

თამაშის შემდეგ, ურუგვაის მთავარმა მწვრთნელმა, მარსელო ბიელსამ ასევე აღნიშნა, რომ ცენტრალურ მცველს "ბარსელონაში" ჩატარებული ინტენსიური სეზონის შემდეგ დასვენება სჭირდება. 

კოპა ამერიკის პირველ მატჩში ურუგვაიმ პანამა 3:1 დაამარცხა. შემდეგ მატჩს ისინი ხუთშაბათს ღამით გამართავენ, სადაც მათი მოწინააღმდეგე ბოლივია იქნება.