"მანჩესტერ იუნაიტედმა" "ბარსელონას" ჯეიდონ სანჩო შესთავაზა, - იუწყება SPORT.

წყაროს თანახმად, "ლურჯ-ბროწეულისფერნი" ინგლისელ შემტევში სატრანსფერო თანხის გადახდას არ აპირებენ. შესაბამისად, ერთადერთი ვარიანტი უფასო იჯარა გახლავთ.

"ბლაუგრანას" ხელს ჯეიდონის მაღალი ხელფასიც შეუშლის, მაგრამ არ არის გამორიცხული, 24 წლის გარემარბი ანაზღაურების სერიოზულად შემცირებაზე თანახმა იყოს.

იქედან გამომდინარე, რომ ერიკ ტენ ჰაგი "წითელი ეშმაკების" მთავარი მწვრთნელის თანამდებობაზე დარჩა, სანჩოს "ოლდ ტრაფორდზე" მომავალი არ აქვს, ვინაიდან იგი ნიდერლანდელ სპეციალისტთან ურთიერთობის დალაგებას არ აპირებს. შესაბამისად, თუ "ემიუმ" ინგლისელი ვერ გაყიდა, მისი განათხოვრება მოუწევს.

გასული სეზონის მეორე ნახევარი სანჩომ იჯარით "ბორუსია დორტმუნდში" გაატარა.

"შავ-ყვითლების" მაისურით ჩატარებულ 21 მატჩში ჯეიდონმა 3 გოლი და 3 ასისტი მიითვალა.