"ბარსელონამ" "ჰალ სიტისთან" მოლაპარაკებები ჯეიდენ ფილოჯინის თაობაზე დაიწყო, - იუწყება Relevo.

ინგლისელი ფეხბურთელი "ვეფხვების" შემადგენლობაში მარცხენა გარემარბის პოზიციაზე თამაშობს. Jijantes-ს თუ დავუჯერებთ, "ლურჯ-ბროწეულისფრები" ჯეიდონს ნიკო უილიამსის იაფ ალტერნატივად განიხილავენ.

"ბარსას" 22 წლის ფლანგელის იჯარის წესით დამატება უნდა. ცხადია, კატალონიელები გამოსყიდვის უფლების მიღებასაც ისურვებდნენ.

ფილოჯინის აგენტი "ბლაუგრანას" წარმომადგენლებს 2 კვირის წინ შეხვდა. ოფიციალური შეთავაზება ჯერ არ გაკეთებულა.

საქმეშია პრემიერ ლიგის რამდენიმე კლუბიც.

ჩემპიონშიფის გასულ სეზონში ჯეიდენმა 32 მატჩში მიიღო მონაწილეობა. მან თავი 12 გოლითა და 1 საგოლე გადაცემით გამოიჩინა.