SPORT-ის ინფორმაციით, ლონდონის "არსენალმა" "ბარსელონას" ფრანგ მცველს, ჟიულ კუნდეს დაუმიზნა.

"მეთოფეებს" 2024/2025 წლების სეზონისთვის დაცვის ხაზის კიდევ უფრო გაძლიერება უნდათ, 25 წლის უნივერსალს კი საამისოდ შესანიშნავ კანდიდატურად განიხილავენ.

"ბლაუგრანა" კუნდესთან დასამშვიდობებლად მზადაა, თუმცა გარკვეული პირობებიც აქვს. ერთ-ერთი პირობა კლუბის ფინანსური მოთხოვნილებების დაკმაყოფილებაა.

კატალონიურ გრანდს ჟიულზე კონკრეტული ფასი ჯერ არ დაუდია, მაგრამ აშკარაა, რომ "ბარსა" უკანახაზელს იაფად არ შეელევა.

ცნობები იმაზე, რომ კუნდეს თაობაზე შეთავაზებებს კლუბი აუცილებლად განიხილავდა, ადრეც გავრცელებულა.

გასულ სეზონში ჟიულმა 48 მატჩში მიიღო მონაწილეობა და გუნდს კარი მშრალად 19-ჯერ შეანახინა.