ლონდონის "ჩელსიმ" "ბარსელონადან" მარკ გიუს ტრანსფერი დაადასტურა.

"არისტოკრატებმა" 18 წლის ცენტრფორვარდის გამოსასყიდი თანხა გადაიხადეს. იგი 6 მილიონ ევროს შეადგენდა. 

მარკი კატალონიური გრანდის ქომაგებს ინსტაგრამზე განთავსებული პოსტით დაემშვიდობა:

"კულეებო, ახლა უნდა დაგემშვიდობოთ. ეს ჩემი ცხოვრების ყველაზე რთული გადაწყვეტილებაა და იგი იმის გამო მივიღე, რაც ჩემი პროფესიული გზისთვის უკეთესად ჩავთვალე.

ვიცი, რომ მარტივი არ იქნება. მარტივი ჩემს კარიერაში არც არაფერი ყოფილა. "ბარსელონა" მუდამ ჩემთან იქნება. ამ გრძნობას ვერაფერი შეცვლის.

ვიმედოვნებ, რომ მომავალში ჩვენი გზები ისევ გადაიკვეთება და "ბარსელონა" დიდ წარმატებას მიაღწევს," - წერს გიუ.

ესპანელი შემტევი "ლა მასიას" აღზრდილია. "ბარსელონას" პირველ გუნდში იგი ჩავი ერნანდესმა რამდენჯერმე ათამაშა და მარკმა 2 გოლითაც გამოიჩინა თავი.