"ბარსელონას" ლეანდრო პარედესი შესთავაზეს, - იუწყება SPORT.

იტალიური "რომას" არგენტინელი ნახევარმცველი 6-იანის პოზიციაზე ცუდი ვარიანტი ნამდვილად არ არის, თუმცა, წყაროს თანახმად, "ლურჯ-ბროწეულისფერთათვის" ის პრიორიტეტს არ წარმოადგენს.

"ბლაუგრანას" მთავარი სამიზნეები ახლა "ევერტონის" ამადუ ონანა და "რეალ სოსიედადის" მიკელ მერინო არიან.

რაც შეეხება პარედესს, "ჯალაროსისთან" კონტრაქტი მას 2025 წლის ივლისში ეწურება. შესაბამისად, 30 წლის შუახაზელის დამატება შეღავათიან ფასად იქნებოდა შესაძლებელი.

გასულ სეზონში ჩატარებულ 49 მატჩში ლეანდრომ 5 გოლი და 7 ასისტი მიითვალა.