"ბარსელონასა" და ესპანეთის ნაკრების 16 წლის სუპერტალანტმა, ლამინ იამალმა Cadena COPE-ს ინტერვიუ მისცა, სადაც საინტერესო შეკითხვებზე მოუწია პასუხის გაცემა.

გთავაზობთ ახალგაზრდა შემტევის მიერ გაკეთებულ რამდენიმე განცხადებას:

"მე და ნიკო "ბარსელონაში" ერთად თამაშზე ვხუმრობთ თუ არა? ჩვენ ამაზე დაუსრულებლად ვხუმრობთ ხოლმე."

"მესი საუკეთესოა, მაგრამ ვისი თამაშის ყურებაც ყველაზე მეტად მომწონდა, ნეიმარი იყო."

"შევდივარ იმ ფეხბურთელთა რიცხვში, რომლებიც "რეალში" არასდროს ითამაშებენ? კი."

შეგახსენებთ, რომ "ფურია როხა" ევროპის ჩემპიონატის მეოთხედფინალში გერმანიის ნაკრებს დაუპირისპირდება. ნაადრევ ფინალად შერაცხული მატჩი ხვალ, თბილისის დროით 20 საათზე დაიწყება.