ესპანეთის ნაკრებისა და "პსჟ-ს" ცენტრალურმა ნახევარმცველმა, ფაბიან რუიზმა, პრესასთან საუბრისას იამალი ნეიმარს შეადარა.
"ვფიქრობ, ლამინსა და ნეიმარს ბევრი საერთო აქვთ, მაგალითად, ის სითამამე, რასაც მოედანზე აჩვენებენ, ისიც, თუ როგორ სწრაფად მოძრაობენ ბურთით. გასაოცარია, რადგან ორივე გაცილებით უფრო სწრაფია, როცა ბურთით თავად არიან."
"ისინი ერთმანეთს ძალიან ჰგვანან, თუმცა ვფიქრობ, ლამინი ამპლუით უფრო გარემარბია, ხოლო ნეიმარს უყვარს ცენტრიდან გაჭრა და სხვებთან ბურთის გათამაშება."
"ეს ყველაფერი აქ არ რჩება, მათ ჯერ კიდევ ბევრი რამ აქვთ საერთო. მაგალითად, ის შედეგები, რასაც ლამინი 16 წლის ასაკში დებს, თითქმის იგივეა, რაც მის ასაკში ნეიმარს ჰქონდა."
მოგეხსენებათ, "ბარსელონას" 16 წლის ტალანტი ხშირად ასახელებდა ნეიმარს თავის კერპად, რასაც მის სათამაშო სტილშიც ნათლად გამოიხატება.
