"ბარსელონას" ლეგენდარულმა ნახევარმცველმა ანდრეს ინიესტამ Mundo Deportivo-ს ვრცელი ინტერვიუ მისცა, სადაც ბევრ შეკითხვაზე მოუხდა პასუხის გაცემა.

გთავაზობთ ყველაზე საინტერესო ამონარიდებს აღნიშნული ინტერვიუდან:

"დავბრუნდებოდი თუ არა "ბარსელონაში"? რა თქმა უნდა, დაბრუნებას ვისურვებდი, მაგრამ არ ვიცი ეს როდის მოხდება."

"საფეხბურთო კარიერის დასრულების შემდეგ ჩემი მომდევნო ნაბიჯი მწვრთნელობა იქნება. ვნახოთ, გამომივა თუ არა. მთავარი მოედნის მიღმა შენი ადგილის პოვნაა."

"ლამინ იამალი ერთ-ერთია იმ ფეხბურთელთა შორის, რომელთა ნიჭიც არანორმალურია. ის ახლა იწყებს. ახლა საჭიროა, რომ იამალმა სწავლა და განვითარება განაგრძოს, რათა სტაბილურობა შეიძინოს. უნდა გვახსოვდეს, რომ იგი 16 წლისაა და არა 23-ის."

"ნიკო უილიამსი ახალგაზრდაა, თუმცა მისი თამაშის ხარისხი დიდი კლუბების ინტერესს იწვევს."

"ჩავი? გარეშე თვალით დანახულითა და ბევრის თქმის სურვილის გარეშე, ვიტყოდი, რომ როცა საქმეები კარგად არ მიდის, გიჭირს, და როცა ეს შენს ყოფილ თანაგუნდელ და მეგობარ ჩავის მოსდის, კიდევ უფრო რთულია. იმედი მაქვს, რომ "ბარსელონა" ყველა ტიტულისთვის იბრძოლებს. უფრო მეტის თქმა ძნელია, რადგან იქ არ ვარ."

"მაშფოთებს თუ არა მბაპეს "რეალში" მისვლა? "რეალის" მიერ ბოლო წლებში მიღწეული შედეგები მათ თავდაჯერებას აძლევს, მაგრამ "ბარსა" "რეალზე" არ უნდა იყოს ფოკუსირებული. კლუბი საუკეთესო ფეხბურთელების გაზრდას უნდა ეცადოს."

"ველოდოთ თუ არა სხვა ინიესტას ელიტაში? ჩემი 9 წლის შვილი პაოლო ფეხბურთით შეპყრობილია და იმედისმომცემად მიიჩნევა. თავისი ასაკისთვის მას კარგი მონაცემები აქვს."

შეგახსენებთ, რომ 40 წლის ნახევარმცველი აქტიურ საფეხბურთო კარიერას ჯერ კიდევ აგრძელებს. ანდრესი ამჟამად არაბეთის გაერთიანებული საემიროების კლუბ "ემირეიტსში" ირიცხება.