გუშინდელი მატჩის შემდეგ, ტონი კროოსმა, სოციალურ ქსელში თავის გამოსამშვიდობებელ სიტყვაში პედრი მოიხსენია და მისი დაზიანების გამო ბოდიში მოიხადა.

"მაპატიე და მალე გამოჯანმრთელდი პედრი. ბუნებრივია, ჩემი განზრახვა არ იყო შენი დაშავება. სწრაფად გამოჯანმრთელებას და ყველაფერ საუკეთესოს გისურვებ. შენ შესანიშნავი ფეხბურთელი ხარ."

ცნობილია, რომ პედრი დაზიანების გამო ევროპის ჩემპიონატზე თამაშს ვეღარ გააგრძელებს. მისი დაბრუნების ზუსტი თარიღი ჯერ უცნობია, თუმცა, დიდი ალბათობით, საკლუბო სეზონის დაწყებისთვის ის სრულ მზადყოფნაში იქნება.