როგორც მოგეხსენებათ, ყოველი სეზონის დაწყების წინ "ბარსელონა" თავისი დამაარსებლის, ჟოან გამპერის სახელობის თასის მატჩის ატარებს.

Mundo Deportivo-ს ინფორმაციით, უკვე შერჩეულია ის მეტოქე, რომელსაც კატალონიელები გამპერის თასის 2024 წლის გათამაშებაში დაუპირისპირდებიან. ეს გუნდი "მონაკო" იქნება.

მხარეთა შორის შეთანხმება თითქმის მიღწეულია და მას კლუბები სულ მალე გამოაცხადებენ. 

გამპერის თასის 59-ე მატჩი 12 აგვისტოს გაიმართება. გასულ წელს "ბლაუგრანამ" ლონდონის "ტოტენჰემს" 4:2 მოუგო.

აქვე გეტყვით, რომ დიდი შანსია, "ბარსასა" და "მონაკოს" შეხვედრაში ქართველმა ფეხბურთელმაც ითამაშოს. საუბარია გიორგი მიქაუტაძეზე, რომელსაც მონეგასკებს აქტიურად უკავშირებენ.