უკანასკნელ დღეებში სოციალურ ქსელში ვირუსულად გავრცელდა 2007 წელს გადაღებული ფოტო, სადაც რამდენიმე თვის ლამინ იამალი ლიონელ მესისთან ერთადაა გამოსახული.

ამ ფოტოზე "ბარსელონას" სუპერტალანტს RAC1-თან ჩაწერილ ინტერვიუში ჰკითხეს.

"მესისთან არასდროს მილაპარაკია. ვისურვებდი, რომ მასთან საუბრის შანსი მქონოდა. ფოტოს გადაღების დროს ვერც ვიაზრებდი, რომ მესისთან ვიყავი.

პირველი, ვინც ამაზე მითხრა, მამაჩემი იყო. ამის გასაჯაროვება არ გვინდოდა, რათა ლეოსა და ჩემი შედარება არ დაეწყოთ," - თქვა ლამინმა.

შეგახსენებთ, რომ იამალი 14 ივლისს ევროპის ჩემპიონატის ფინალში ითამაშებს. ესპანეთის ნაკრების მეტოქე ინგლისის ეროვნული გუნდი იქნება.